Big Data e a súa aplicación no sector turístico

O século XXI trouxo consigo a transformación dixital. Os avances tecnolóxicos supoñen un cambio radical nas estruturas da comunicación e na maneira na que os consumidores se informan e fan uso dos produtos e servizos. En xeral, todos os sectores da economía teñen a necesidade de actuar con rapidez para adaptarse ao entorno online e garantir así a súa propia supervivencia neste “Novo Mundo”. O turismo non se queda atrás, grazas ao Big Data ten a oportunidade de transformar a maneira de ofertar os seus servizos, adaptándose aos cambios.

O Big Data é un termo que describe o gran volume de datos, tanto estruturados como non estruturados, que inundan os negocios cada día. Este pódese analizar para obter ideas que nos leven a tomar as mellores decisións e movementos de negocios estratéxicos.

Deixamos atrás estudos baseados en enquisas, para achegarse aos gustos e preferencias do viaxeiro. Na actualidade, cada vez máis empresas confían no uso do análise Big Data, isto aporta unha maior fiabilidade nos resultados xa que se nutren non so en opinións que verten os usuarios, senón na pegada dixital que deixan na web, que describen o que o viaxeiro real e potencial efectivamente fai. 

Os parámetros clave que o Big Data nos axuda a definir e cos que se poden mellorar a calidade dos servizos, a toma de decisións e a xestión dos negocios turísticos son: As visitas (cantos visitantes se reciben e de onde veñen), a estancia (tempo medio por nacionalidades), os desprazamentos entre ambas cidades, os lugares preferidos para pasar a noite e os niveis de gasto, tanto globais como na categoría de aloxamento.

Esta tecnoloxía permítenos atraer e fidelizar ao viaxeiro. Coñecendo mellor ao cliente pode dar como resultado un produto e servizo adaptado a este e, por conseguinte, un consumidor moito máis satisfeito. O viaxeiro ademais de consumir o produto ou servizo, produce contido na web, polo que é moi importante o seu grao de satisfacción.

Saber o que pasa en cada momento pode axudar a anticiparse aos comportamentos tanto do cliente turístico como do mercado. Reaccionar dunha forma máis eficiente e inmediata e así anticiparnos ás necesidades dos consumidores, tomando decisións intelixentes.

Grazas ao Big Data atopamos novas oportunidades no turismo. A través dunha segmentación máis axustada, é posible medir o momento e maneira óptimos de lanzar un produto ou servizo segundo as preferencias e accións observadas nos usuarios, poñendo a disposición do viaxeiro unha experiencia de viaxe máis intelixente e personalizada.

Como punto final cabe mencionar que aínda quedan desafíos por resolver. Como pode ser a dificultade de atopar profesionais con coñecementos Big Data e o problema de garantir un uso responsable dos datos para non vulnerar a privacidade do consumidor.

Un post de Carla Río Vea

Fontes de información:

-Hosteltur, dispoñible en liña en: https://www.hosteltur.com/comunidad/005340_las-6-claves-del-uso-del-big-data-en-el-turismo.html [Consulta: 21 de novembro de 2017]

-Thinktur, plataforma tecnolóxica do turismo, dispoñible en liña en:

http://www.thinktur.org/media/Big-Data.-Retos-y-oportunidades-para-el-turismo.pdf

-Segittur, dispoñible en liña en:

http://www.segittur.es/es/sala-de-prensa/detalle-documento/Big-Data-en-la-construccin-de-un-Destino-Turstico-Inteligente/#.Wg3y1_nhCM8 l [Consulta: 21 de novembro de 2017]

-Emprendedores, dispoñible en liña en: http://www.emprendedores.es/gestion/big-data-turismo l [Consulta: 21 de novembro de 2017]

-Instituto tecnológico hotelero, dispoñible en liña en:

http://www.ithotelero.com/blog/big-data-un-mundo-de-posibilidades-para-potenciar-el-turismo/ l [Consulta: 24 de novembro de 2017]

-El economista, dispoñible en liña en:

http://www.eleconomista.es/turismo-viajes/noticias/8750529/11/17/El-turismo-busca-triplicar-los-ingresos-extracomunitarios.html l [Consulta: 24 de novembro de 2017]